تأسيس شركة او فتح مشروع صغير في تركيا

 اتكلمنا في المقالة السابقة عن فرص العمل للشباب في تركيا.

في المقالة دي هانتكلم عن كيفية وخطوات تأسيس شركة او مشروع في تركيا والتكاليف المرتبطه بعملية التأسيس او الانشاء فقط .. يعني مش عن تاكليف المشروع نفسه واللي بتختلف من مشروع لآخر حسب نوعه وحسب المنطقة اللي هيقام فيها المشروع.

اولا الجنسية المصرية أحد الجنسيات التي يحق لها تملك العقار في تركيا، وحسب القانون التركي يمكنك بتأسيس شركه باسمك .

و لا يشترط أن يكون معك شريك تركي أو غيره،بما معناه يمكنك القيام بمفردك أو مع أفراد أسرتك تسجيل الشركة.

ومن خلال الشركة يمكنك تملك أي عقار تريد وتصبح الشركة التركية التي أسستها شخصية اعتبارية تركية تتملك العقار،ويحق لك أيضا ممارسة أي نشاط تجاري أو صناعي أو زراعي بدون شرط أو قيد .

تأسيس الشركة يستغرق يومين وتحصل على الرقم الضريبي والسجل التجاري ويمكنك بعدها فتح حساب بنكي

الاوراق والمستندات المطلوبة لتأسيس شركة في تركيا:

1. نسخة من جواز السفر مترجمة الى اللغة التركية ومصدقة من كاتب العدل النوتر.

2. الرقم الضريبي (vergi numarası) الذي يمكن استخراجه بكل سهولة من أقرب مركز ضرائب في منطقتك.

خطوات تأسيس الشركة:

1. إعداد الوثائق والاستمارات وتصديق نظام تأسيس الشركة من قبل كاتب العدل.

2. إيداع 25 ٪ من قيمة رأس المال في البنك.

3. تسجيل الشركة في مكتب السجل التجاري ومكتب غرفة التجارة.

4. تقديم النسخة الأصلية بالإضافة الى نسختين مصدقتين من النظام الأساسي للشركة لمكتب السجل التجاري في غضون 15 يوما من تاريخ التوثيق والتصديق من كاتب العدل الـنوتر.

5. بالنسبة للشركات محدودة المسؤولية يجب أن تكون متوافقة مع المادة 279 من القانون التجاري التركي.

عنوان الشركة يجب ذكره صراحة وبشكل واضح في نظام التأسيس كما يجب الانتباه إلى أن نظام تأسيس الشركة سوف ينشر علناً في جريدة السجل التجاري الرسمية.

حالما تتأسس الشركة في مكتب السجل التجاري، يجب تسجيل الشركة في مكتب الضرائب المحلية حيث يتم استلام الشهادة الضريبية، والتي يجب أن يتم عرضها ووضعها بشكل واضح في مكان العمل.

بعدها يقوم موظف الضرائب المحلية بزيارة مكتبك أو متجرك في غضون بضعة أيام للتحقق من المعلومات المذكورة ومن الشهادة الضريبية.

سوف يقوم مكتب التسجيل التجاري بتبليغ وزارة العمل والضمان الاجتماعي عن تأسيس الشركة وبالتالي يجب أن يتم تسجيل جميع العاملين وموظفي الشركة بما فيها المدراء في هذه الوزارة "التأمينات الاجتماعية".

جميع الأوراق الرسمية للشركة يجب أن تصدق وتوثق عند كاتب العدل النوتر في نفس يوم تسجيل الشركة.

التأمين: يعتبر التأمين الاجتماعي والتقاعدي إجباري في تركيا لكل العاملين في الشركات سواء للمدراء أو للموظفين ويجب على الشركة دفع أقساط التأمين بشكل دوري عن كل موظف أو عامل في الشركة حيث تبلغ قيمة التأمين حوالي 265 ليرة تركية شهرياً.

يجب على محاسب شركتك أن يرتب ويجهز كافة الأوراق والمستندات الرسمية، وفي حال عدم سداد مبالغ التأمين لأي سبب من الأسباب فسوف يتوجب عليك دفع كافة المبالغ المستحقة السابقة من أول يوم لتأسيس الشركة (تاريخ إضافتك كمدير أو موظف في الشركة)، كما يجب ضبط الحسابات وكشوف المرتبات الشهرية، لا تنس تجهيز عقد الإيجار والتعاقد مع محاسب موثوق لتسيير الأمور المالية للشركة.

في المقالة القادمة هانتكلم عن انواع وتكاليف المشروعات اللي ممكن تتعمل في تركيا

وهايبقي في مقالة تاني خاصة بكافة المواقع اللي ممكن يتعمل منها بحث عن الاعمال او نوعية الاعمال اللي ممكن الشباب يشتغلوا فيها وكيفية التقدم لها قبل السفر

انشر لتعم الفائد

Read More

السفر والعمل والدراسة في تركيا

كلامي هنا هايبقي موجه للشباب من سن 18 سنه ولغاية 30 سنه.

اللي ليهم فرص كبيرة للعمل والاقامة في تركيا بس مش عارفين يعملوا ايه او خايفين من المجهول.

وفي السطور دي هاعرفكم تعملوا ايه وكمان هاكشف لكم المجهول دا لان الانسان بطبيعته عدو ما يجهل.

وعشان منتهوش من بعض هانحدد كلامنا في عدة نقاط:

·        الاقامة والسكن

·        انواع الاعمال المطلوبة

·        اجراءات التحويل من الجامعات المصرية الى الجامعات التركية

وهانأجل موضوع الاجراءات المطلوبة للسفر دي في مقالة تانيه بس خلينا الاول في الاهم واللي اغلب الشباب عايزين يعرفوه.

·        اولا فيما يخص الاقامة والسكن

وهنا انت قبل ما تسافر اصلا لازم تكون عارف انت هاتنزل فين واللي غالبا هايبقي شقة مشتركة مع شباب تانيين (بيبقوا سوريين وفلسطينيين ومصريين) والشقق دي كتير جدا في تركيا وهي في حد ذاتها استثمار مربح هاتفهمه وتقدر تعمله لما تستمر هناك فترة.

تكون اصلا بقي عامل حسابك في فلوس ماتقلش بحال من الاحوال عن 1000 دولار بعد مصاريف الطيارة والانتقالات والحاجات دي ودول بالميت كدا يكفوك شهرين او تلاته هناك ودي فترة مش قليلة خالص في انك تلاقي عمل وتشتغل فعليا ويبقي عندك دخل.

طيب انواع الاعمال اللي ممكن تشتغلها ايه!!

دلوقت انا هاتكلم بصفه عامة وعن شاب مافيش في ايده اي حرفة ولا بيعرف يعمل اي حاجه ودول سهل جدا انهم يشتغلوا في اي مصنع من المصانع المنتشرة في اسطنبول.

طب ازاي:

انت قاعد مش لوحدك انت معاك شباب فعلا شغال في مصانع (السوريين والفلسطينيين والمصريين اللي هناك مش عواطليه) وبالتالي هاتتكلم معاهم وهايعرفوك ويساعدوك انك تلاقي شغل.

السوريين تحديدا هايسعدوك اوي في تعلم اللغة التركية اللي لازم تتعلمها في اسرع وقت ممكن عشان يبقي ليك امتيازات. وهايعرفوك مباديء البحث عن عمل وكيفية البحث عنه وممكن ياخدوك معاهم للمصانع اللي بيشتغلوا فيها وتدور و ممكن هما يقوموا بالمهمة دي بالنيابة عنك (بس مش ببلاش فخليك حريص)

وعشان كدا بانصح اي حد ناوي يروح تركيا ينزل منطقة "افجيلار" لانها قريبة من منطقه صناعية ضخمة عامله كدا زي العبور او العاشر من رمضان او 6 اكتوبر كلها مصانع.

والتجمعات العربية هناك كبيرة جدا وهي نفسها منطقة في حركه جامده جدا وتقدر تلاقي شغل في مطاعم او محلات لان الحياه هناك مشتعله.

طيب بالنسبة للشباب اللي معاه مهنة او حرفة وخاصة (الكمبيوتر والموبايلات واللي ليهم في الاكل مطاعم وكدا) دول ليهم فرصه رائعة هناك برضه لان سوق الكمبيوتر سوق ضخم جدا وكذلك الموبايل والاكل.

الشغل دا متوفر جدا في منطقة تقسيم واكسراي والمحترفين هايلاقوا هناك شغل حلو وممكن يعملوا شغلهم الخاص بيهم كمان من خلال صفحات الفيس بوك او الاعلان عنه على الجروبات بتاعة الجاليات العربية في تركيا.

بالنسبة للدخل بتاعك:

من الخلال العمل في مصانع او في احد المحلات دخلك مش هايزيد عن 800 ليرة ودول الى حد ما مش وحشين كبداية لانك هاتصرف منهم حوالي 250 اجرة سكن و 250 مصروفاتك الشخصية وبالتالي هاتقدر على الاقل تعيش هناك لحد ما تتعلم التركي اللي هاينقلك نقلة كبيرة سواء في المرتب او الامتيازات بصفة عامة

دوائر العلاقات اللي هاتعملها هناك اهم من الشغل نفسه يعني لازم تحافظ عليها وتكبرها والجميل في الموضوع ان كل حاجه هناك فيد واستفيد يعني مش هاتعمل حاجه لله وكله هايبقى بحسابه سواء ليك او عليك ودي ميزة كويسة جدا.

وزي ما وضحت سريعا فوق ان الحياة هناك مش غالية اوي يعني 400 ليره يغرقوك الشهر كله بس ربنا يكرمك وتلاقي شغل لان دي اهم نقطة عشان تستقر مرتاح نفسيا.

بالنسبة لموضوع الاقامة:

انت كمصري ليك الحق في الحصول على اقامة انسانية في تركيا ودي ممكن نعمل ليها مقالة تانية نشرح فيها كيفية الحصول عليها .. لكن المهم في الموضوع هنا انك لو حصلت على الاقامه دي فمعناها انك ماينفعش تنزل مصر تاني لانها هاتتلغي وبالتالي الحوار دا ممكن يكون رخم بالنسبة لناس كتير (بس ماتقلقوش مابيعملش اي مشاكل امنيه هنا) بس مشكلته ان الاقامه دي بتتلغي بمجرد نزولك مصر تاني.

طب الحل: من وجهة نظري انت مش محتاج اقامه ولا غيره وسيبك من افلام عوكل ووراكك وخشي والحوارات دي انت ممكن تعيش هناك ميت سنه ماحدش يقولك رايح فين ولا جاي منين .. المشكلة بس وانت جاي نازل مصر بعد ما زهقت او خدت اجازة ولا حاجه هاتضطر تدفع غرامة مالية (حوالي 80 ليرة او حسب تقديرهم) نظرا لكسرك لمدة الاقامة المحددة وماتقلقش الدنيا كلها كاسرة فيزا هناك ومش المصريين بس انت هتلاقي كل جنسيات العالم هناك كاسرة فيزا.

فالنصيحه سيبك من موضوع الاقامة الانسانية وروح دور على شغل واشتغل وارجع وقت مانت عايز وروح تاني وقت ما تروح (خليك حر احسن)

الفكرة بصفه عامة في الموضوع:

ان الكلام البسيط دا من خلاله هاتعمل دايرة علاقات ومعارف مش قليله .. ودا هايفتحلك مجالات كتيرة .. هاتخليك اقوى وفي كل مرة ادائك بيتحسن عن اللي قبله. يعني بدل مانت دلوقت اللي بتدور على نصايح انت هاتبقي مصدر نصايح لانك هاتبقي شوفت وفهمت وعرفت وكسرت حاجز الخوف من المجهول دا.

ودا في حد ذاته مكسب كبير يخليك تبقي واقف على ارض صلبه وعارف تمشي ازاي وتعمل ايه.

الشباب الصغير اللي بوجه كلامي ليه هما اصحاب افضل واسرع فرص عمل خاصة وان سنهم وحماسهم دافع كبير بنفتقده احنا دلوقت واحنا علينا النصح والتوفيق من الله ومنك بعد كدا.

ودلوقت هاننتقل لنقطه هامة جدا وهي كيفية تحويل الدراسة الجامعية الى تركيا

أصدرت الحكومة التركية قانوناً يتيح استكمال الدراسة في الجامعات التركية الحكومية للمصريين وتخفيف بعض الشروط عنهم ضمن المقاعد المتاحة للأجانب المحولين في الجامعات التركية، في خطوة للتضامن مع الطلاب المفصولين أمنياً في الجامعات المصرية.

وبناء على ذلك هذه جملة من الأسئلة والأجوبة توضح تفاصيل القرار وكيفية وإجراءات التحويل الدراسي لمساعدة الطلاب الذين تعسف بحقهم رؤساء الجامعات ليتم فصلهم منها فصلا نهائيا أو جزئيا لسنوات.

وفيما يلي نص الأسئلة والأجوبة التفصيلية:

سـ 1- ما هي إجراءات الانتقال لاستكمال الدراسة في الجامعات المقصودة في القرار؟

جـ 1- تتم الإجراءات وفق ترتيب محدد لا يمكن تجاوز أحد خطواته:

البحث على الإنترنت عن الجامعة التي يتم فيها تدريس تخصصك كطالب (يمكن من خلال الموقع التالي: studyinturkey.gov.tr)

مخاطبة الجامعة والبحث خلال جداول توزيع مقاعد الأجانب على الجامعات التركية بالتخصصات للتأكد من وجود مقاعد متاحة للأجانب

التقديم على الإنترنت من خلال موقع الجامعة (كل الجامعات المتاحة) .. أو الإيميل حسب نظام الجامعة الموضح على موقعها الإلكتروني.

بعد قبول الجامعة لملفك لاستكمال دراستك فيها (سواء بكامل أوراقك في أي جامعة أو في الجامعات التي تم تخصيصها للحالات الخاصة التي لا تستطيع الحصول على الأوراق اللازمة)، سيتم إرسال ورقة قبول جامعي لكم على البريد الإلكتروني وبموجبها تستطيعون التوجه إلى السفارة والحصول على فيزا الطالب التي سيتاح لكم بموجبها لاحقاً استخراج إقامة طالب ويسمح لك بالالتحاق بالجامعة (وبدون هذا الإحراء حتى الآن لا يستطيع الطالب الالتحاق بالجامعة).

—————————–

سـ 2- ما هي الأوراق الأساسية اللازمة للتحويل؟

جـ 2- تحتاج ورقتين أساسيتين موثقتين (على الأقل من الجامعة ولو أمكن من الخارجية)

• بيان الدرجات للمواد التي تمت دراستها (بالانجليزية –أو التركية)

• توصيف للمواد التي تمت دراستها (بالانجليزية –والتركية)

• بالنسبة للطلبة الذين لا توجد لديهم المستندات اللازمة للتحويل فإنه يمكنهم تلقي كورسات ودروسا في الجامعات التالية:

Gaziantep, Kilis 7 Aralık, Harran (Şanlıurfa), Mustafa Kemal (Hatay), Osmaniye Korkut Ata, Çukurova (Adana), Mersin

مواقع الجامعات:

http://www.gantep.edu.tr/en/

http://www.kilis.edu.tr/english/

http://www.harran.edu.tr/en/

http://www.mku.edu.tr/index.php?lang=en

http://www.osmaniye.edu.tr/en-US/Content/

http://www.cu.edu.tr/eng/

————————–

سـ 3- هل أسحب ملفي من الجامعة؟! لأتمكن من التحويل !!!

جـ 3- لا .. لا يجب سحب الملف أبدا إلا بعد الخطوة الرابعة من الإجراءات المذكورة في الأعلى .. كما أنه يمكن الحصول على الأوراق المطلوبة دون سحب كامل الملف من الجامعة تحسبا لأي مشكلة او طارئ أو رفض.

—————————

سـ 4- هل يمكن أن يتم رفض طلبي في أحد الجامعات حتى بعد هذا القرار؟

جـ 4- نعم .. يمكن رفض الطلب .. وذلك لأحد الأسباب التالية:

عدم وجود التخصص المطلوب في هذه الجامعة.

عدم وجود مقاعد متاحة للأجانب في الجامعة لهذا التخصص.

عدم موافقة ملفك ودرجاتك للشروط الأساسية في الجامعة.

—————————

سـ 5- هل يعني هذا القرار أن الدراسة للمصريين في هذه الجامعات ستكون مجانية؟ منحة يعني؟

جـ 5- لا .. أبدا .. هذا لا يعني أنها منحة على الإطلاق .. سيكون هناك مصاريف ولكن مصاريف الجامعات الحكومية .. وهي تختلف من جامعة لأخرى .. ويمكن الاستفسار عنها عند التواصل مع الجامعة .. والتقديم .. ويمكن حينئذ طلب منحة .. أو إعفاء من المصاريف .. وقد يتم قبول الطلب أو رفضه .. أو حتى قبوله جزئيا .. ويرجع الأمر لمكتب الطلبة الأجانب في كل جامعة.

————————–

سـ 6- ما هي المواعيد المحددة لهذا القرار ؟

جـ 6- القرار يسمح بالتقديم خلال أي فترة من العام .. وخلال أي مرحلة من مراحل الدراسة .. حتى لو كانت بعد السنة الأولى .. أو حتى لو كانت آخر سنة في الدراسة..

————————–

سـ 7- هل هذا القرار يشمل الطلبة الجدد؟ الحاصلين حديثا على الثانوية العامة؟

جـ 7- لا .. هذا القرار متعلق بالطلبة الذين تسجلوا بالفعل في المرحلة الجامعية في ويرغبون في استكمال دراستهم في تركيا..

ملاحظة: التسجيل للطلبة الجدد كان متاحا في بعض الجامعات .. أيضا ضمن كوتة أخرى مخصصة للطلبة الأجانب الجدد .. ولكن في تلك الحالة .. يجب أن يخضع الطالب لاختبار تحديد القدرات في الرياضات والذكاء (math & IQ) وهي اختبارات لها أوقات محددة في كل جامعة .. وهناك بعض الاختبارات يعترف بها في عدد من الجامعات الأخرى .. ولكن معظم مواعيد تلك الاختبارات غالبا ما تكون في أشهر 2-3-4-5 ..ويمكن الاطلاع على مواعيدها في موقع كل جامعة .. ومع ذلك هناك بعض الجامعات تقبل الطلبة الأجانب بدون اختبار اليوس .. وكل هذا ضمن المقاعد المخصصة للطلبة الأجانب الجدد.

————————–

سـ 8- هل الجامعات الأزهرية يتم قبولها في هذا القرار؟ وهل هي معترف بها في تركيا؟

جـ 8- نعم الجامعات الأزهرية ضمن الجامعات المعترف بها (وهذا قرار جديد لم يكن موجودا قبل سنتين تقريبا) ولكن بشرط توافق التخصص مع الجامعة المراد الدراسة فيها.

————————–

سـ 9- هل هناك فرص للعمل في تركيا .. وما مدى سهولة الحصول على وظيفة أعتاش منها كطالب؟

جـ 9- العمل في تركيا صعب خاصة للأجانب.. فعامل اللغة عائق كبير جدا .. ويصعب إيجاد عمل بسهولة .. كما أن مواعيد الدراسة هنا غالبا لا تسمح بالتواجد في عمل نظامي بدوام كامل .. كما أن مصاريف المعيشة ليست رخيصة في تركيا.. ليس صداً .. وإنما واقع لابد أن تعرفوه قبل الإقدام على هذه التجربة.

—————————

سـ 10- هل يستفيد المفصولون من هذا القرار؟

جـ 10- نعم يمكن أن يستفيد المفصولون من هذا القرار .. فلو استطاعوا استخراج الورقيتن الأساسييتين بيان الدرجات وتوصيف المواد.. وإذا لم يستطع يمكنه التواصل مباشرة مع الجامعات التي خصصت للحالات الخاصة .. وسيكون نظام الدراسة فيها بنظام الدروس .. والمواد .. وسيمنح الطالب ذو الحالة الخاصة شهادة بالمواد التي درسها (بيان درجات وتوصيف لتلك المواد) .. ولن يمنح البكالوريوس أو الليسانس كاملا .. لكن يمكنه الحصول عليها بمجرد استكمال أوراقه .. واعتماد المواد التي درسها.

————————–

يُذكر أن موقع مجلس التعليم العالي التركي يضم ملفات فيها المقاعد المتاحة للأجانب الجدد بالتخصصات، مع الإشارة إلى أن لكل جامعة تركية مجموعة خاصة من الشروط قد تختلف عن مثيلاتها .. بالإضافة للأوراق الرئيسية.. حسب التخصص ولغة الدراسة .. وشروط الجامعة.

كما أن هناك فرص للدراسة في تركيا عبر الجامعات الخاصة .. ولكن بمصاريف ليست بالهينة .. ومع ذلك فإن هناك فرص للمنح .. والتخفيضات .. في حال أن المتقدم صاحب إنجازات .. ومتفوق .. ويستحق ذلك التخفيض..

ولا تنسوا أن لغة الدراسة في تركيا .. الأصل أنها تركية .. وهناك بعض الجامعات والتخصصات باللغة الإنجليزية .. وهناك أخرى جزء منها بالتركي وآخر بالإنجليزي .. ويفضل طبعا عند التقديم على الدراسة التحضر باللغة (شهادة تويفل .. أو أيليتس) ولو بالتركي .. ستضطر تدرس لغة قبل الدراسة الفعلية.

يجب ألا تسحبوا ملفاتكم من الجامعات حتى لو كنتم مفصولين .. ولا تسافروا قبل أن تتمكنوا من تأمين جامعة والقبول فيها والحصول على فيزا الطالب من السفارة.. وهي عملية لا يمكن أن يقوم لك بها أحد .. يجب أن تقوم بها بنفسك مباشرة مع الجامعة. عبر الموقع الالكتروني .. والإيميل ..

http://www.studyinturkey.gov.tr/

موقع يعتبر قاعدة بيانات الجامعات التركية للبحث عن وجود تخصص محدد يتم تدريسه في جامعات تركيا وفيه بعض الخيارات الأخرى .. للباحثين عن الاستفادة من القرار احرص أن تعلّم على خيار جامعات حكومية (state) وأن تكتب التخصص باللغة الإنجليزية.

الملفات المتعلقة بالمقاعد المتاحة للطلبة الجدد الأجانب في جامعات تركيا .. وشروط القبول في جامعات تركيا كلها …

https://www.mediafire.com/folder/lcu2in9lqp9hy/

تنبيهات عامه:

ابعد عن سماسرة الاعمال الا لو حد ثقه جدا

ابعد عن سمسارة السفر الى اوروبا (الموضوع دا مهم جدا واكتشفه بنفسك)

ركز على الاسواق العامة اللي بتفتح كل اسبوع لشراء مستلزماتك لانها ارخص بكتير زي سوق السبت او سوق التلات او سوق الجمعة (ايوه الاسواق دي اختراع تركي ماتتعجبش)

حاول تعرف اقرب سوبر ماركت بييم فين

الشباب السوري هناك ليه امتيازات كتير فمتحاولش تقلدهم في اسلوب حياتهم لانهم مرتاحين اكتر منك
ابعد تماما عن المناطق الحدودية القريبة لسوريا حتى لو جالك شغل هناك 

وفي الاخير ربنا يوفقكم جميعا للخير واي حد عنده معلومات تثري الموضوع مايبخلش علينا في التعليقات .. وكذلك اي اسئلة او استفسارات هانرد عليها.

رجاء النشر لتعم الفائد

Read More

الاقامة في تركيا

كيفية الحصول على اقامة في تركيا:

بص يا سيدي سيبك من النصابين وبتوع التلت ورقات اللي على الارصفة خاصة في تقسم و اكسراي او مكاتب السياحة المضروبة (اللي هانزل قائمة بأشهرهم قريب) وخليك معايا وشوف الموضوع بسيط لدرجة ايه:

1- تروح للـ Noter دي مكاتب زي الشهر العقاري في مصر كدا بس طبعا على نضيف جدا وبتلاقي هناك موظفين غاية في الشياكة والادب والاناقة والتعاون لدرجة انهم ممكن يعملولك شاي (ببلاش) . . اه والله شربنا هناك شاي ببلاش 
مكتب النوتير دا بيعمل ايه .. بيختم ترجمة جواز سفرك وغالبا بيترجمه ويختمهولك في نفس الوقت والاتعاب 100 ليرة .. انا عن نفسي دفعت 90 ليرة وشربت شاي 

واحد هايسألني ويقولي يا كابتن لطيف وفين مكاتب النوتير دي .. !!
دا سؤال لطيف .. دي يا سيدي خريطة بكل مكاتب النوتير في تركيا شوف اقرب مكان ليك وروحه
http://www.tnb.org.tr/Harita/noterlikharitasi.html

تمام .. بعد كدا تورح تتصور في اي ستوديو بعشرين ليرة

تمام .. بعد كدا تروح مديرية الامن .. بس ماتدخلهاش .. هتلاقي كشك كدا ادام مديرية الامن واقف ادامه ناس كتير من جنسيات مختلفة تروح تقف في الطابور وتطلع المستند اللي تمت ترجمة جواز سفرك عليه وتصورة صورتين
اكتب على صورة منهم اسم والدك واسم والدتك ورقم تليفون للتواصل (مش شرط يكون رقمك) وممكن يكون رقم صديق ليك بيفهم تركي لانك كل اللي هاتعمله بعد كدا انك هاتدي الورقة دي للراجل اللي واقف في الكشك ومعاها 30 ليرة وبعد ساعتين هتلاقي التليفون بيرن ويقولك معاد مقابتلك للحصول على الاقامة .. عدي عليهم تاني يوم او بعدها بيومين خد المستند بتاعك اللي فيه كل تفاصيل المقابلة

طب والصورة التانيه تعمل بيها ركز معايا .. خليها معاك يا برنس احتياطي

المقابلة عادة ونظرا للضغط على موضوع الحصول على الاقامات ممكن تبقى بعد شهرين انا مثلا معاد مقابلتي في يناير الجاي

بالمستند دا تقدر تمشي وتعيش في تركيا عادي جدا لانك كدا بتسعي للحصول على اقامة

كدا يبقى 100 ليرة نوتير + 20 ليرة تصوير + 30 ليرة الكشك يبقى الاجمالي 150 ليرة وشكرا

ولما اروح في يناير القادم ان شاء الله واكمل اجراءات الاقامه هاقولكم عملت ايه بالتفصيل

انتظرونا ولا تنسونا من صالح دعائكم

Read More

السفر الى تركيا

المجيء الى تركيا سهل جدا ومش محتاج تعقيدات ..

التعقيد الوحيد هو السن والمهنة اللي في البطاقه .. لكن دا كمان مش مهم في مكاتب سياحة كتير بتخلص الموضوع دا بسرعة برضه

موضوع السن:

اغلب اللي عايز يسافر هايبقى فوق الـ 21 وتحت الـ 45 ودول محتاجين تأشيرة من الشفارة .. لكن اللي تحت الـ21 وفوق الـ45 دول بياخدوها مباشرة من على النت بـ 20 دولار فقط بدون اي اجراءات او تعقيدات

تكاليف الفيزا حوالي 450 او 500 جنيه
تذكرة الطائرة (شارتر) 2000 جنيه .. خدوا بالكم انا قولت شارتر مش طيران عادي .. العادي ممكن يوصل 4500 جنيه في الوقت الحالي

بتيجي تركيا وتعمل اقامة سياحية 6 شهور او اقامة عمل سنه ودي ماعرفش تكلفتها نصا لاني لسه ماعملتهاش لحد دلوقت بس هي حوال 4000 جنيه

الاقامة بتتعمل على محل اقامة فعلي يعني لازم يكون عندك سكن

السكن:

السكن في تركيا غالي يعني مش بيقل عن 850 ليرة الى 1200 ليرة يعني يفضل سكن مشترك مع حد من اصحابك اللي هاييجوا معاك من مصر (اياك والمصريين بالخارج)

العمل : عشان تشتغل في تركيا لازم تعرف تركي ولا اعتماد على الانجليزية من الاصل او ممكن لو معاك فلوس تعمل مشروعك الخاص وافضل المجالات التجارة و السياحة

المعيشة:

مقارنة بمصر المعيشة رخيصة جدا بصرف النظر عن موضوع مقارنة العملة يعني تدخل السوبر ماركت تملا 3 شنط من كل حاجه وتدفع 50 ليرة او اقل .. هاتقولي دول بالمصري يعدو الـ 250 جنيه هاقولك لاحظ ان الجنيه في مصر جنيه والليرة في تركيا ليرة يعني جنيه في مصر

Read More